- الزين زين ورده، والسعد سعد قردة
- للا زينة وزادها نور الحمام
- الزين الفاخر، الشفايف والمناخر
- للا مليحه وزادتها الترويحه
- لا زين، لا مجي بكري
- لا مزيانة للمنظر، لا خفيفه كتسخر
- الله يعطيك سعد الخايبات
- آش خصك ألعريان؟ الخاتم أمولاي
- كالو آش المعمول يا قاضي فعيشه، كالو طلقها وانا ناخدها
- فين يماك أجحا؟ مشات تصبن وديالها؟ كرات عليه
- راكب على حمارو، وتيقلب عليه
- ماشيه لعند المطلقه تسحر لك.
- كن كان الحمام يبيض، كن بيض قبابو
- سل الحاجبة توريك
- الخادم د القاضي فالعزا ما بقا حد، مات القاضي ماجا حد.
- فين ما تشوف الطويل كيجري، اعرف القصير مسخرو.
- طلع تاكل الكرموس، هبط شكون كالها لك
- حتى شاب عاد دارو لو لحجاب
- السوق حامي والدّْلاَّلْ رامي والشاري عْوْرْ
- الحنة حْرْشِة والمَاشْطَة عَمْشَة والعروسة فيها بُوهْزْهَازْ
- الكْنَازَة كْبِيرَه والْميتْ فَارْ
- رَاجْلِي عْلَى سَبِّه، طْلْقْنْي عَلَى حْزْقَة
- حتى في الحْمّامْ مْرُوبْلَة، لا طَاسَة، لا مْشْطَه ولا غاسُول
- بحال الخياطة الحمقه، فين المقص، فين الحلق
- مَامَاتْشْ غِيرْ خْرْجُ مْصِيرْنَاتُو
- مَاكَايْنْ وَالُو غِيرْ مْرَا غَرْقَاتْ
- كَالُو لَلْحَمْقَة زَغْرْتِي، كَالْتْ لِيهُمْ الدَّارْ ضَيْقَة.
- مْشَا يَخْطْبْهَا لُو دَّاهَا لُو
الثلاثاء أغسطس 20, 2013 1:43 pm
